Amos Ch. Sangma, Director
Nisoenggipa sakantinan salam
Na'simang sakantiko ia Sewa Inland NGO-ona rimchaksoa. Ian ge'sa register ka'gimin ngo ong'a. aro iani gita chinga adita songsalni nangchongmotgipa kamrangko ka'e an'chingni song-nokrangko namroroatna miksonga gnang re'mikangenga.
Chinga adita Skulrangko kuliaha, aro chinga songadamo donggipa manderangko uamangni poraiani gadangko tangdoatna kam ka'enga. chiring-chibisikko rakkina skie on'enga. Songadamo donggipa cholgrigipa nokdangni bi'sarangko maikai ra'dogen uarangko nigrike kamko ka'na ja'kuko ga'enga.
Na'aba ching baksa dongpae dangdike on'a mangen. Mitela, Isol bangbee patichina.
Pilakna skang Tanggipa Gitel Jisuko mitelchengna ku'si ong'bea, maina Uasan pilak rasongko man'a kraa.
Sewa Inland Society ge'sa registred ka'gimin NGO ong'a, jean bi'sarangni mikkangchina poraianio tarisona kam ka'gipa ong'a. Daororo mongsongbate songatdam songrango skulrangko kulie je maa-paa rangan tangka paisa-ni a'sel namgipa skulrango an'tangtangni bi'sarangko watatpana man'pajachim uandakgiparangna chanchie mamung man'gni dongjaoba pilak skigiparangan mission-ni kamna an'tangtangko on'kange dakchakaniko onpaenga.
Sewa Inland Society Meghalaya Government baksa 30th October, 2012 register kachengaha aro dao dingtang dingtang biaprango songsal aro jatni namgnina kamrangko bimchipe kamrangko ka'enga. Uni gimin na'simangni pilak salon dakchakrime society-ni nikaniko chusokatna kucholsan kamrangko ka'na mol'molan baksa kumongrimna namnika. Na'simangni bakrimani dongjaode mamung kamrangoba chusokna gita nengbeani onggen. maiba agankupatianirang dongode seachi uiatpana mangen, na'simangni namgipa kupatianina nisengsoenga.
Mitela Isolna na'simangna patichina.
George Steforth Ch Momin, Secretary
